
كريم تنهد وقال:
“عارف يا نور، بس مش سهل إني أغير اللي كنت عايش فيه طول السنين دي. كل مرة حاولت أقول حاجة، كنت بحس إني ضعيف. يمكن محتاج وقت، يمكن محتاج مساعدة.”
نور مسكت إيده وقالت:
“وأنا هنا علشان أساعدك يا كريم. بس لازم تكون أنت عايز تتغير. مش عايزة أشوفك مهزوم كل يوم. انت أبو ولادي، ولازم تكون قدوة ليهم. مش هقدر أعيش معاك وانت كدا.”
كريم رفع عينه لنور لأول مرة من فترة وقال:
“هحاول يا نور. هحاول بجد. بس خليكي جنبي.”
نور ابتسمت بحنان وقالت:
“أنا جنبك يا كريم، بس لازم تبدأ فعلاً. مافيش وقت للسكوت أكتر.”
وكان دا بداية جديدة لكريم ونور، بداية مش سهلة، لكن يمكن تكون بداية لحياة مختلفة لهم، مليانة بالتحديات، لكن برضو مليانة بالأمل.
في يومٍ كانت نور، فتاة في الرابعة والعشرين من عمرها، تجلس مع والدتها حنان في الصالة. كانتا تتحدثان حين سمعوا صوت ضجيج في الشارع. خرجتا إلى الشرفة ليروا ما يحدث، فوجدوا صفية، والدة كريم، تصرخ في وجهه وتوبخه بشكل علني أمام الناس. كريم، شاب في الثامنة والعشرين من عمره، معروف بطيبة قلبه واحترامه، ولكن الجميع كان يعلم أن والدته تسيء معاملته باستمرار وتعامله كأنه طفل صغير.
**حنان:**
“يا لطيف! شوف يا نور، ده كريم وأمه. كل يوم بتزعق فيه كأنه طفل. والله عيب على واحد في سنه.”
**نور:**
“حرام اللي بتعمله فيه، يا ماما. كريم غلبان وطيب، هو محترم جدًا ودايمًا ساكت ومش بيرد على أمه حتى لو كان اللي بتعمله غلط.”
**حنان:**
“ماشي يا نور، لكن الواحد لازم يكون له شخصية. مش معقول يبقى في السن ده ولسه بيتعامل كأنه طفل.”
**نور:**
“بس هو محترم يا ماما. كريم خريج كلية تجارة وبيشتغل محاسب في شركة كبيرة، وكل الناس بتحب أخلاقه.”
**حنان:**
“صح، لكنه ملهوش شخصية. إزاي تقبلي تتجوزي واحد زي ده؟”
**نور بتوتر:**
“أنا؟ لا لا، مفيش حاجة، أنا بس كنت بسأل.”
بعد مرور بضعة أيام، كانت نور تسير في الشارع وبدون قصد اصطدمــــ،ت بكريم. بدأ كريم بالاعتذار فورًا، وظهرت عليه علامات الاحترام الشديد.
**كريم:**
“أنا آسف يا نور، انتِ كويسة؟”
**نور بتوتر:**
“آه، أنا كويسة. بس لحظة… إزاي عرفت اسمي؟”
**كريم باحترام:**
“إزاي مش هعرف؟ إنتِ بنت عم صبحي الله يرحمه، وسمعتكم الطيبة معروفة في المنطقة. إزاي بقا مش هعرفك؟”
**نور بإحراج:**
“شكرًا، مش عارفة أقولك إيه.”
**كريم:**
“متقوليش حاجة. أنا اللي لازم أعتذر على إني خبطت فيكي.”
**نور:**
“لا لا، مفيش داعي تتأسف. أنا اللي مكنتش واخدة بالي.”
مرت الأيام، وبدأت نور تشعر بانجذاب نحو كريم رغم ترددها بسبب شخصيته الهادئة وانصياعه الدائم لأوامر والدته. قررت في يوم ما الحديث مع والدتها مجددًا عن الأمر.
**نور:**
“ماما، لو كريم اتقدملي، هتوافقي؟”
**حنان بحزم:**
“لا، يا بنتي. كريم طيب وكل حاجة، لكن ملهوش شخصية. مش هينفع واحد زي ده يكون جوزك.”
**نور:**
“بس يا ماما هو محترم وبيحبني. هو ساكت مش ضعف، ده يمكن احترام.”
**حنان:**
“الاحترام حاجة والضعف حاجة تانية. مفيش راجل يقبل على نفسه الإهانة دي. إنتِ حرة، لكن ده رأيي.”
رغم نصيحة والدتها، وافقت نور على الزواج من كريم، معتقدة أن الحب سيغير الأمور. مرت الأيام، وكانت نور تلاحظ أن كريم يتلقى الإها، نات من والدته وأخته باستمرار، دون أن يدافع عن نفسه. كانت نور تأمل أن يتغير كريم، ولكن الصمت الدائم زاد من إحباطها.
في يوم، وبينما كان كريم في العمل، تلقت نور زيارة غير متوقعة من والدته صفية، التي بدأت تصرخ وتلوم كريم حتى وهو غائب، واصفة إياه بالغبي والفاشل. عاد كريم في المساء كعادته، هادئًا، ولكن نور لم تستطع التحمل أكثر.




