حنان:ليها شخصيه إيه بس يابت! الشخص اللي بيسمح لحد يهينه قدام الناس وما يعرفش يرد حتى بكلمة، ده مالوش كلمة في بيته. إزاي هيعرف يدير حياته ولا يحمي مراته؟
نور بتفكير:
بس يا ماما… ممكن يكون ده بس أسلوبه مع أمه علشان بيراعيها ويحترمها، يعني مش شرط إنه يكون ضعيف قدام الكل.
حنان بحدة:
يا بنتي، الاحترام مطلوب، بس فيه فرق بين الاحترام والضعف. الراجل اللي ميعرفش يقول “لا” أو يدافع عن نفسه عمره ما هيعرف يحافظ على بيته.
نور بحيرة:
طيب يعني مش ممكن الواحد يتغير مع مرور الوقت؟
حنان:صعب يا بنتي، اللي اتربى على حاجة بيعيش بيها. يمكن تتغير بعض الأمور الصغيرة، لكن الأساس؟ لا.
نور:
يمكن…
نور دخلت أوضتها بسرعه وهي بتضحك بصوت وبتقول لنفسها:
نور: “يا بنت يا نور، إيه اللي بتعمليه ده؟ والله كريم ده طلع عسل زي ما كنت متوقعه. محترم وأدب واخلاق، ده لو يتقدملي بجد مش هقول لأ.”
وقعدت على السرير بتفكر في كريم والكلام اللي حصل بينهم في السوبر ماركت.
نور: “بس ياترى ماما هتوافق؟ هي شايفاه ضعيف الشخصية… بس أنا حاسه إنه مش كده خالص، يمكن يكون بيحترم أمه بس ومش عايز يضايقها.”
وهي بتفكر، غمضت عينيها وغرقت في النوم وهي لسه مشغوله بالتفكير في كريم وحياته.
وفي نفس الوقت، كريم كان قاعد في بيته وبيفكر في اللي حصل:
كريم: “يااااه ده أنا فعلاً خبطت في نور. بنت عم صبحي اللي الناس كلها بتحكي عن أخلاقها وسيرتها الطيبة. يا ترى هي شايفاني إزاي؟ هل شافتني زي ما أمي بتشوفني… ضعيف؟ ولا حست إنّي محترم وبقدرها؟”
كريم ساب الأفكار تسيطر عليه وقرر إنه لازم يبدأ ياخد خطوات لتحسين حياته ويبني شخصيته بعيداً عن التأثير السلبي اللي بتعمله أمه عليه.
كريم: “أنا لازم أثبت لنفسي ولأي حد تاني إني أقدر أكون قوي ومختلف… وأني أستحق حاجات أحسن.”
وفي اللحظة دي، بدأ كريم يخطط لنفسه خطوة بخطوة.
حنان بتعصب:
“يا بنتي هو احترام الأم حاجة حلوة، بس مش إن الواحد يفضل ساكت وما يفتحش بقه قدامها! إزاي هيكون عنده كلمة في بيته بعدين لو كل حاجة تبقى بكلام أمه؟ انتِ شايفة ده احترام؟ ولا ضعف شخصية؟”
نور حاولت تهديها:
“يا ماما، يمكن هو مش عايز يزعّلها قدام الناس. يمكن بيحب يخلي كل حاجة بهدوء. وكمان إنتِ اللي قلتِ إنه محترم وشغله كويس وأخلاقه عالية. مش كفاية ده؟”
حنان:
“مش يا نور، الحاجات دي مش لوحدها كفاية عشان أوافق عليه. الراجل اللي هيتجوزك لازم يكون عنده كلمته وشخصيته قدام أي حد، حتى قدام أمه. مش عايزاكي تعيشي مع واحد ضعيف.”
نور بتمسك:
“بس ياماما أنا بحبه. وأنا شايفة فيه حاجات كويسة كتير، وكل واحد عنده عيوب. يمكن لو ساعدناه شوية، يبقى أحسن.”
حنان سكتت لحظة، وحست إن بنتها فعلاً متعلقة بكريم. وقالت بتردد:
“طب بصي، هفكر في الموضوع، لكن مش هقرر دلوقتي. لازم أتأكد إنه فعلاً يستاهلك وحيقدر يحافظ عليكي.”
نور بامتنان:
“شكراً يا ماما، أنا عارفة إنك بتحبيني وبتفكري في مصلحتي.”
وخرجوا من الأوضة، وكل واحدة فيهم عندها أفكار بتدور في دماغها. حنان لسه مش مقتنعة تماماً، ونور حاسة إنها أخدت خطوة كبيرة في تحقيق اللي بتحلم بيه.
كريم بص في الأرض، وسكت زي ما هو متعود، لكن المرة دي كان واضح إنه متأثر بكلام نور. بعد لحظة طويلة من الصمت، قال بصوت واطي:
“أنا تعبت يا نور. تعبت من كل حاجة، من اللي حواليا، ومن نفسي. بسمع الكلام من أمي ومن الناس اللي في الشغل، ومنك كمان… وأنا ماعرفتش أرد ولا أتكلم. يمكن لأني اتعودت على كدا طول عمري.”
نور، اللي كانت متعصبة جداً، فجأة حسّت بمشاعر مختلطة بين الغضب والحزن على كريم. قربت منه وقالت:
“يا كريم، أنا ما كنتش أقصد أجرحك. بس بجد مش قادرة أستحمل إنك تفضل كدا. أنا بحبك وعايزة أشوفك بتكبر وتبقى أقوى. اللي أنت فيه دا مش طبيعي، مش صح ليك ولا ليَّ ولا لعيالك.”
