اخو زوجي عمل اللي محدش يعمله معايا ..

فيكي اللي انا عايزة
ياسمين بټعيط
والله حرام اللي بيحصل فيا ده اعمل ايه ياربي
جمال
متزعليش ياحلوه الواد ده طلع ندل على العموم انا استجدعتك ومش هقرب منك ابدا
ياسمين
شكرا انا همشي بقا
جمال
استني خودي تليفوني واعتبريني اخوكي ولو الزفت ده ضايقك ولا عاملك حاجة اتصلي بيا بس وانا هطلع لك عينه ده بېخاف مني
ياسمين
متشكرة ليك عن اذنك
ونزلت في الشارع اتصلت با أحمد وقالي
في ايه ياسمين هو انتي مش لسه مكلماني امبارح وبعدين انا مش فاضيلك
ياسمين
هو ده اللي انا باخده منك يا أحمد بدل ماتقولي وحشتيني ولا تقولي كلام حلو على اساس اني بعيده عنك
أحمد
معلش ياياسمين اعذوريني اصل انا مشغول اوي والنهارده كان يوم صيام وطويل
اوي قوليلي انتي فين كده فطرت ولا لسه
ياسمين بټعيط
لا مفطرتش ااقصد مليش نفس اكل حاجة انا عايزاك تشوفلي حل وتبعتلي اجيلك انا تعبت من خدمة امك واخوك
أحمد
حبيبتى استهدي بالله كده انا مش ملاحق على المصاريف وانا هنا فما بالك لو جيتي مش هنعرف نعيش ده الإيجار هنا غالي اوي بصي انا هكلم امي واقولها تخف عنك شغل البيـ،ـت شوية معلش استحملي
وعمل ان الشبكة بتقطع وقال الوو الوو ياسمين الشبكة راحت وقفل الخط
ياسمين
الووو يا احمد يا احمد
هند
بقولك ايه انت متردش عليها تاني انا بقولك اهوه مش دقيقة والتانية تتصل بيك
أحمد
خلاص بقا ياهند ماهي لو امي بتعاملها كويس مكنتش اتصلت بيا كل شوية كده انا بكره هكلم امي واشوف حكايتها
ورجعت البيـ،ـت لقيت مصطفى مستنيني على السلم وقال
اتاخرتي ليه يابت هاتي الحاجة لحسن ده انا خرمان اوي هاتي
واديته الحاجة ودخلت لقيت حماتي بتقولي
كنتي يازفتة انتي
ياسمين
انا قولت انزل ياماما وقولت اجيب حلويات عشان خالتي وولادها
الخاله
امال مش قعدي تفطري معانا الأول ليه ياسمين وبعدين تنزلي
ياسمين
انا قولت عشان تحلو علطول بعد الفطار عن اذنك هدخل اجيب اطباق عشان اهحط فيها الحلويات ودخلت المطبخ
الخاله
مشاء الله عليها البت ياسمين دي شاطرة اوي يا ام أحمد ومطيعة ده حتى أكلها جميل وعجب العيال وسعد كمان مش كده ياسعد
سعد
بصراحة تسلم ايديها على الاكل الحلو ده
الحما
طيب ياختي متقوليش قدامها كده لتتفرعن عليا
وخرجت وقدمت لهم الحلويات ودخلت اتوضيت وصليت المغرب وفضلت ادعي ربنا كتير
الحما
انتي يابت يلي اسمك ياسمين
ياسمين
نعم ياماما
الحما
ادخلي ياختي شطبي المطبخ وبعدين انتي ليه مش اقعدي مع الضيوف الناس جات ومشيت ومش شوفنا خلقتك
ياسمين
اصلي كنت بصلي المغرب
الحما
طيب يافالحة ربنا يقوي إيمانك ياختي
وعدي اليوم وصبحت تاني يوم جسمي مكسر مش قادرة اتحرك من شغل امبارح
أحمد اتصل بامه وقالها
يا أمي خفي على ياسمين شوية مش كده حرام عليكي
الحما
بقولك ايه انت هتسكت وتتلم ولا اقولها انك متجوز
أحمد
انتي كل شوية هتهدديني ياما قوليلها وخلاص خليها تعرف هي هتعمل ايه يعني هتخليني اطلـ،ـقها ماشي وانا موافق
الحما
ااه لا ياحبيبي انا مش عبيطه عشان اخليها تطلـ،ـق وتمشي وتسبني دي هي اللي خدماني وشايله البيـ،ـت
أحمد
ما انا عارف انك عايزاها خدامة عندك وبس اعملي اللي تعمليه يا أمي سلام
وقفل معاها وخرج مصطفى من او,ضتة وقال
هي الزفتة دي لسه نايمة لحد دلوقتي
الحما
ااه تكية اللي جابوها نادي عليها خليها تصحى عشان تشوف اللي وراها
وخرجت من او,ضتي وقالي
النهارده عندك مشوار يامرات اخويا ماشي
سبته ودخلت المطبخ امه قالتله
ياواد أرحم نفسك من الهباب ده بقا ياخراشي منك
مصطفى
بقولك ايه ياما سبيني دي دماغي وانا حر فيها
ولقيتة دخلي المطبخ قولتله
انا مش رايحة تاني للزفت ده وابقي روح انت
مصطفى
والله بقا الكلام ده ليا طب علي العموم براحتك واسمعي بقا عشان في موضوع أحمد مخبيه عليكي وان الأوان انك تعرفيه




